|
|
تۇنجى قېتىملىق ئورۇندالمىغان پىلانغا 7-ئاينىڭ 20-كۈنى ئارزۇ تولدۇرۇرۇلىدۇ
ئاپتونوم رايونلۇق ئوقۇغۇچى قوبۇل قىلىش ئىشخانىسى 7-ئاينىڭ 20-كۈنى سائەت 8 دىن 20 گىچە (بېيجىڭ ۋاقتى) بولغان ۋاقىت ئىچىدە خەنزۇ تىل-يېزىقىدا ئىمتىھان بەرگەنلەر، مىللىي تىل-يېزىقتا ئىمتىھان بەرگەنلەر، موڭغۇل تىل-يېزىقىدا ئىمتىھان بەرگەنلەرنى تولۇق كۇرس 0- تۈركۈم، تولۇق كۇرس 1-تۈركۈم، تولۇق كۇرس 1-تۈركۈمنىڭ نامرات رايونلار مەخسۇس تۈر پىلانى، جەنۇبى شىنجاڭ ئايرىم پىلانى ۋە شىنجاڭغا نىشانلىق ياردەم بېرىش-يۆلەش پىلانىدىكى مەكتەپلەرنىڭ ئورۇندالمىغان پىلانىغا توردا ئارزۇ تولدۇرۇشقا تەشكىللەيدۇ. 7-ئاينىڭ 22-كۈنىدىن 24-كۈنىگىچە تولۇقلاپ تولدۇرۇلغان ئارزۇغا ئارخىپ چىقىرىلىدۇ.
ئوقۇغۇچى قوبۇل قىلىش خىزمىتىنىڭ ئەمەلىي ئەھۋالىغا ئاساسەن، قوش تىل سىنىپ ئوقۇغۇچىلىرىنى قوبۇل قىلىدىغان مەكتەپلەرنىڭ ئورۇندالمىغان پىلانىغا ئارزۇ تولدۇرۇش خىزمىتى خەنزۇ تىل-يېزىقىدا ئىمتىھان بەرگەن مىللىيلارنىڭ ئورۇندالمىغان پىلانىغا ئارزۇ تولدۇرۇش ۋاقتىدا بىرلىكتە ئېلىپ بېرىلىدۇ.
7-ئاينىڭ 23-كۈنى سائەت 8 دىن 20 گىچە (بېيجىڭ ۋاقتى) بولغان ۋاقىت ئىچىدە خەنزۇ تىل-يېزىقىدا ئىمتىھان بەرگەن مىللىيلار، قوش تىل سىنىپى ئوقۇغۇچىلىرى تولۇق كۇرس 0- تۈركۈم، تولۇق كۇرس 1-تۈركۈم، تولۇق كۇرس 1-تۈركۈمنىڭ نامرات رايونلار مەخسۇس تۈر پىلانى، جەنۇبى شىنجاڭ ئايرىم پىلانى ۋە شىنجاڭغا نىشانلىق ياردەم بېرىش-يۆلەش پىلانىدىكى مەكتەپلەرنىڭ ئورۇندالمىغان پىلانىغا توردا ئارزۇ تولدۇرىدۇ. 7-ئاينىڭ 25-كۈنى تولۇقلاپ تولدۇرۇلغان ئارزۇغا ئارخىپ چىقىرىلىدۇ.
ئورۇندالمىغان پىلانغا ئارخىپ چىقارغاندا بىرقىسىم مەكتەپلەرنىڭ بەزى كەسىپلىرىگە نومۇر سىزىقى ئۈستىدە ئوقۇغۇچى مەنبەسى يېتىشمىسە، نومۇر سىزىقى مۇۋاپىق تۆۋەنلىتىلىپ ئارخىپ چىقىرىلىشى مۇمكىن.
ئالىي مەكتەپلەرنىڭ ئورۇندالمىغان پىلانى شىنجاڭ ئوقۇغۇچى قوبۇل قىلىش تورى (http://www.xjzk.gov.cn) دا ئېلان قىلىنىدۇ. ئىمتىھان بەرگۈچىلەر ئارزۇ تولدۇرۇشتىن ئاۋۋال ئېلان قىلىنغان ئورۇندالمىغان پىلانغا ئائىت مەزمۇنلارنى (كەسىپ، پىلان سانى، ئوقۇش ھەققى، ئىزاھاتى) تولۇق، ئەستايىدىل كۆرۈپ تولدۇرۇشى كېرەك.
بۇ قېتىملىق ئورۇندالمىغان پىلانغا ئارزۇ تولدۇرۇشتا، تولۇق كۇرس 0-تۈركۈمدە 2 ئارزۇ تەسىس قىلىنغان بولۇپ، ھەر بىر ئارزۇغا 6 كەسىپنى تاللاپ تولدۇرۇشقا بولىدۇ، «پەلەمپەي» شەكلىدىكى ئارزۇ بويىچە ئارخىپ چىقىرىپ قوبۇل قىلىنىدۇ؛ تولۇق كۇرس 1-تۈركۈمنىڭ نامرات رايونلار مەخسۇس تۈر پىلانى، جەنۇبى شىنجاڭ ئايرىم پىلانى ۋە شىنجاڭغا نىشانلىق ياردەم بېرىش-يۆلەش پىلانىغا 2 ئارزۇ تەسىس قىلىنغان بولۇپ، ھەر بىر ئارزۇغا 6 كەسىپنى تاللاپ تولدۇرۇشقا بولىدۇ، «پەلەمپەي» شەكلىدىكى ئارزۇ بويىچە ئارخىپ چىقىرىپ قوبۇل قىلىنىدۇ؛ تولۇق كۇرس 1-تۈركۈمدە 6 ئارزۇ تەسىس قىلىنغان بولۇپ، ھەر بىر ئارزۇغا 6 كەسىپنى تاللاپ تولدۇرۇشقا بولىدۇ، پاراللېل ئارزۇ بويىچە ئارخىپ چىقىرىپ قوبۇل قىلىنىدۇ.
ئورۇندالمىغان پىلانغا توردا ئارزۇ تولدۇرۇش ئىلگىرىكى توردا ئارزۇ تولدۇرۇش ئۇسۇلىغا ئوخشايدۇ. ئىمتىھان بەرگۈچىلەر شىنجاڭ ئوقۇغۇچى قوبۇل قىلىش تورىغا كىرىپ، «ش ئۇ ئا ر 2015-يىللىق ئادەتتىكى ئالىي مەكتەپلەرگە ئوقۇغۇچى قوبۇل قىلىش بويىچە توردا ئارزۇ تولدۇرۇش سىستېمىسى» نى ئاچقاندىن كېيىن، ئىمتىھانغا قاتنىشىش كېنىشكا نومۇرى، كىملىك نومۇرى، مەخپىي نومۇرى (شىفىر) ئارقىلىق سىستېمىغا كىرىدۇ (مەخپىي نومۇرنى ئۇنتۇپ قالغان بولسىڭىز ئۇقۇغان مەكتىپىڭىزدىكى باشقۇرغۇچى خادىم بىلەن ئالاقىلىشىڭ). سىستېمىغا كىرگەندىن كېيىن «征集志愿公告» ئارقىلىق مەكتەپلەرنىڭ ئورۇندالمىغان پىلان ئەھۋالىنى ئىگىلەپ، تولدۇرماقچى بولغان مەكتەپ، كەسىپلەرنى بېكىتكەندىن كېيىن «填报及修改志愿» نى تاللاپ ئارزۇ تولدۇرسىڭىز بولىدۇ. ئارزۇيىڭىزنى موقۇملاشتۇرغاندىن كېيىن «保存» نى باسسىڭىز بولىدۇ.
ﺋﺎﭘﺘﻮﻧﻮم راﻳﻮﻧﻠﯘق ﺋﻮﻗﯘﻏﯘﭼﻰ ﻗﻮﺑﯘل ﻗﯩﻠﯩﺶ ﺋﯩﺸﺨﺎﻧﯩﺴﻰ ئارزۇ تولدۇرۇش شەرتىگە ﺗﻮﺷﻘﺎن، ﺷﯘﻧﺪاقلا ﻗﻮﺑﯘل ﻗﯩﻠﯩﻨﻤﯩﻐﺎن ﺋﻮﻗﯘﻏﯘچىلارنىڭ بۇ قېتىملىق ئورۇندالمىغان پىلانغا ئارزۇ تولدۇرۇش پۇرسىتىنى چىڭ تۇتۇپ، ۋاقتىدا ئارزۇ تولدۇرۇشىنى ئەسكەرتىدۇ. |
|
本文章由阳光招生网整理并转载发布，如有异议请联系客户及时删除，谢谢合作！
（阳光招生网-中国专业的高校招生教育咨询服务平台，先设有高考资讯、高校院校库、招生简章、批次线、专业目录、志愿填报、高考常识、特殊招生、高校视频、高校电话、高校微信、高校微博、咨询室栏目，提供最新、最准备的普通高考招生信息，为考生和家长提供有效的信息。）
